आपल्याला जर आपल्या रचना, संकल्पना, मत येथे मांडायचं असेल किंवा कुठलीही जाहिरात ह्या संकेतस्थळावर करायची असेल तर latenightedition.in@gmail.com यावर संपर्क करावा!

गुंतवणुकीसाठी योग्य संधी

गुंतवणुकीसाठी योग्य संधी

शेअर बाजार मराठीत   ||  Share Market Beginners   ||  Stock Market   ||  गुंतवणूक टिपा  || Share बाजारातील पडझड   ||  Long Term Investment Shares

 

केंद्रीय अर्थमंत्री अरुण जेटली यांनी 2018 साठीचा अर्थसंकल्प मांडला. हा ह्या सरकारचा शेवटचा अर्थसंकल्प आहे असं म्हंटलं जात आहे. निवडणुका कधीही होऊ शकतात अशी शक्यताही वर्तवली जात आहे. असेल ते असेल… पण अर्थसंकल्प झाल्यानंतरच्या दुसर्‍याच दिवशी शेअर बाजाराने जोरदार पडझड अनुभवली…

शेअर बाजारात ही पडझड नेमकी कशामुळे झाली याबद्दल वेगवेगळ्या पातळीवर चर्चा सुरू आहे. सरकारने Long Term Capital Gain लावल्यामुळे गुंतवनूकदारांमध्ये उत्साह कमी होऊन भीती वाढली आहे असं म्हंटलं जातं; अर्थसंकल्पात अपेक्षित असलेल्या कुठल्याच क्षेत्रासाठी भरीव तरतूद नाही असही म्हंटलं जात आहे; तर आरोग्य बिमा आणि शेतकर्‍यांसाठी हमीभाव यामुळे सरकार election mode मध्ये आहे असं म्हंटलं जात आहे; तिकडे राजस्थान व पश्चिम बंगालमध्ये पोटनिवडणुकीत भाजपचे उमेदवार मोठ्या फरकाने पराभूत झाले, चंद्राबाबू अन शिवसेना NDA मधून बाहेर पडण्याच्या हालचाली यामुळे राजकीय अस्थैर्य हे कारणही पुढे केलं जात आहे; तर काहीजण leverage positions, profit booking, FII-डीएलएल वगैरे गोष्टी पुढे करत आहे.

दुसरीकडे जागतिक बाजारही all time high पासून खाली कोसळत असतांनाचं चित्र आहे. येणार्‍या काळात अमेरिकेतही निवडणुका आहेत त्याचेही परिणाम असू शकतात. पण ते वगळता फार कुठली नकारात्मक न्यूज नाहीये.

कारण काहीही असलं तरी शेअर बाजारात मोठी पडझड झाली आहे हे सत्य आहे आणि ती पुढे तशीच चालू राहण्याची शक्यताही नाकारता येत नाही. बाजार उद्या पडणार की परत वाढणार हे कोणीही सांगू शकत नाही, पण सामान्य गुंतवणूकदार काही पैसे घरी किंवा बँकेत ठेऊ इच्छित नाही हेही तितकच खरं आहे. कारण नोटबंदी नंतर घरात पैसे ठेवण्याचं धाडस सामान्य माणूस करणार नाही. दुसरीकडे, बँकांनी ठेवीचे व्याजदर कमी केल्याने तेथेही गुंतवणुकीला वाव नाही. रीयल इस्टेट तर सध्या पुर्णपणे बेभरवशाचा झालेला आहे. मग उरतो पर्याय तो शेती, सोनं आणि शेअर बाजार (MF, SIP वगैरे मार्गानेही) यांचा!

प्रत्येक मध्यमवर्गीय माणूस शेतीमध्ये गुंतवणूक करू शकत नाही. एकतर शेतीतून येणारा परतावा हा निश्चित नसतो त्यामुळे तो गुंतवणुकीचा मार्ग समजला जाऊ शकत नाही. त्यामुळे शेअर बाजार शिवाय सामान्य व सुशिक्षित माणसाला गुंतवणुकीचा दूसरा मार्ग उपलब्ध नाही. आज नाही उद्या, हा पैसा शेअर बाजारातच येणार आहे हे सत्य आहे. कदाचित सरकारनेच अशी व्यवस्था केली असू शकते. जे असेल ते असेल… त्यामुळे शेअर बाजारात जी मंदी येईल ती फार काळ टिकणार नाही असं वाटत आहे. काही काळाचा ठेहराव घेऊन बाजार परत नवीन शिखराकडे जाईल असं वाटत आहे.

आज पडझड होत असलेला बाजार अनादी अनंत काळासाठी असाच राहील किंवा अर्थव्यवस्था ठप्प होईल असही होत नाही. निवडणुका येतात, नेतृत्व बदल होतात ह्या सामान्य लोकशाही प्रक्रियेचा भाग आहे. त्याचा देशातील आर्थिक, सामाजिक व औद्योगिक परिस्थितीवर परिणाम होत असला तरी जागतिकीकरणच्या रेट्यात फार मोठ्या पॉलिसी बदलून शेअर बाजार संपुष्टात येईल असं काही शक्य नाही. शेवटी, आपल्याला किती काळासाठी गुंतवणूक करायची आहे, काय परतावा अपेक्षित आहे, कितपत रिस्क घेण्याची तयारी आहे, का नुसताच सट्टा खेळायचा आहे हे गुंतवणूकदार स्वतः ठरवत असतो.

इतके दिवस ज्या गुंतवणूकदारांना, महाग शेअर price मुळे बाजारात येता आलेलं नाही ते आता टप्प्याटप्याने गुंतवणुकीची संधी शोधू शकतात. आजच्या पडझडीच्या काळात काही प्रमाणात गुंतवणूक करता येईल; नंतर निवडणूक काळात बाजार मंदीत असेल तर तेंव्हा काही गुंतवणूक करता येईल; तत्सम परिस्थितीत आपली गुंतवणूक करून दोन ते तीन वर्षाच्या कालावधीसाठी ही गुंतवणूक केल्यास बर्‍यापैकी परतावा मिळू शकतो. फक्त ही गुंतवणूक long term आणि योग्य शेअर मध्ये असावी ही काळजी सामान्य गुंतवणूकदाराला घ्यावीच लागणार आहे.

NIFTY, SENSEX व MIDCAP मध्ये अचानक आलेली विक्री ही अनेक महिन्यांच्या नंतर असल्याने चांगले चांगले shares सुद्धा कमी भावात मिळत आहेत. ही गुंतवणुकीची योग्य संधी वाटत आहे. लग्नात जेवणाची एक पंगत उठते आणि नवी पंगत बसते तोच प्रकार. जे पोटभरून जेवण करून गेले आहेत ते आता हॉलच्या बाहेर जातील अन जे वाट बघत होते ते हळूहळू आतमध्ये येऊन बसतील.

NIFTY मधील अनेक चांगले shares सध्या BUY करण्याच्या परिस्थितीत आहेत असं म्हंटलं तर वावगं ठरणार नाही. शिवाय काही MIDCAP आणि small cap सुद्धा घेण्याची तयारी केली पाहिजे.

Image result for share market

पाहुयात असे काही stocks जे ह्या पडझडीत योग्य किमतीला भेटत आहेत आणि जे मध्यम व दीर्घ पल्ल्याच्या गुंतवणुकीसाठी अतिशय फायदेशीर ठरू शकतात…

  1. Tata Motors

Nifty मधील stock. त्यात Tata समूहातील. याचा दर्जाबद्दल शंका असण्याचं कारण नाही. पण अलीकडच्या काळात किंवा गेल्या वर्षभरात ह्या stock ने चांगला परतावा दिलेला नाही. पण auto क्षेत्राशी संबंधित कंपन्या वाढत असताना हा फार काळ मागे राहणार नाही. सध्या कंपनीच्या ज्या अडचणी आहेत त्या कालांतराने कमी होतील अन हा शेअर चांगला कामगिरी करेल अशी आशा आपण नक्कीच करू शकतो.

सध्या हा शेअर 385 वर कार्यरत आहे.

  1. Sunpharma

बाजारातील पडझडीचा भार या कंपनीलाही सोसावा लागला. वर्षभर वाईट काळातून, अडचनीतून पार पडलेल्या या दिग्गज शेअर ला अलीकडेच चांगल्या बातम्या मिळत होत्या अन उद्योगातील अडचणी कमी होताहेत असं वाटत होतं. 52 week च्या तळापासून तेजीकडे जात असलेला हा शेअर परत मागे ओढल्या गेला. पण हासुद्धा चांगली कामगिरी करेल आणि बाजार पुन्हा चांगला होत असताना हा शेअर नक्कीच चांगला परतावा देऊ शकतो.

सध्या हा 550 च्या आसपास कार्यरत आहे. 500 ते 520 च्या रेंजमध्ये buy करावा असा.

  1. Maruti Suzuki

सध्या हा शेअर आपल्या All Time High पासून खालच्या दिशेने प्रवास करत आहे. ह्या शेअर ने आजपर्यंत अनेक गुंतवणूकदारांना चांगले returns दिले आहेत. बाजारात पडझड होत असल्याने हासुद्धा कोसळू शकतो. खालच्या पातळीवर यात टप्प्याटप्प्याने गुंतवणूक करता येऊ शकते.

  1. ITC

प्रत्येक बजेट ह्या शेअर साठी नकारात्मक बातमी घेऊ येत असतं. प्रत्येक बजेटमध्ये तंबाखू, गुटखा, सिगारेट इत्यादी वस्तूंवर टॅक्स वाढवला की हा शेअर कोसळू लागतो. पण बजेट 2018 त्यासाठी अपवाद आहे. या बजेटमध्ये त्या वस्तूंवर कसलेच वाढीव टॅक्स लादले नाहीत. दुसर्‍या बाजूला या कंपनीचे इतर FMCG प्रोडक्टस सुद्धा चांगला व्यवसाय करत आहेत. कृषी क्षेत्रातील भरीव तरतुदीमुळे या कंपनीला अजूनच फायदा होईल असं दिसत आहे. इतक्या पडझडीतही हा शेअर कोसळला नाही यातच सर्व आलं. Long Term गुंतवणुकीसाठी हा शेअर घ्यावा असाच आहे.

  1. HDFC

दर्जेदार शेअर. सध्या overbought आहे, पण पडझडीत खाली आल्याच्या नंतर गुंतवणुकीस उत्तम. 1750 च्या आसपास गुंतवणूक करता येईल असा.

  1. IOC – Indian Oil Corporation

एका बाजूला आंतरराष्ट्रीय बाजारात तेलाचे (क्रूड ऑइल) दर वाढत आहेत आणि पर्यायाने भारतात पेट्रोल-डिसेल चे दर वाढत आहेत. अशा परिस्थितीत Oil Refinery कंपन्या तेजीत असतात. शिवाय IOC ने नुकताच 1:1 बोनस दिलेला आहे. नजीकच्या काळात चांगला परतावा देईल असा शेअर.

  1. Yes Bank OR ICICI Bank

Public Sector banks कडून चांगल्या परताव्याची कसलीच हमी नसल्याने Private Sector बंकांकडून गुंतवणूकदार अपेक्षा ठेवत आहेत. सध्या Private Sector Banks चांगला परतावा देतील असं म्हंटलं जात आहे. Private Sector मध्ये अनेक बँका आहेत. Axis, HDFC सारख्या मोठ्या बँका असेल किंवा KTK, RBL सारख्या नव्या midcap बँका. पण अलीकडच्या काळातील results आणि भविष्यातील तरतूद बघता Yes bank आणि ICICI बँक गुंतवणुकीस आकर्षक वाटत आहेत.

  1. TCS, HCL Tech आणि Infosys

शेअर बाजारात 2018 हे वर्ष IT कंपनीचे असेल अशी शक्यता आहे. गेल्या वर्षी ह्या सेक्टर ने फार चमक दाखवली नाही. शिवाय आंतरराष्ट्रीय पातळीवर विविध अडचणी असल्याने हे सेक्टर धोक्यात आलं आहे असं म्हंटलं जायचं. त्यात Infosys सारखी कंपनी अंतर्गत management वादातून जात असल्याने गुंतवणूकदार या क्षेत्रापासुन दूर होते. पण आता दिवस बदलताना दिसत आहेत. बाजार वेगाने कोसळत असताना IT shares तुटत नव्हते. TCS सारखा शेअर 52 week high जवळ कार्यरत आहे. सर्व बाबी तपासून, या तीन Large Cap IT कंपनी पैकी कोणताही शेअर गुंतवणुकीस निवडता येऊ शकतो.

  1. LT – Larsen & Toubro

Infrastructure क्षेत्रातील दिग्गज कंपनी. बजेटमध्ये इन्फ्रा व defence क्षेत्राला काहीतरी भरीव मिळेल अशा अपेक्षेने हा शेअर तेजीत होता. पण बजेटमध्ये काहीच सकारात्मक न्यूज नव्हती. आता हा शेअर थोडा correction mode मध्ये आहे. अजूनही तुटू शकतो. पण दीर्घ काळाच्या गुंतवणुकीसाठी हा शेअर चांगला म्हणता येईल.

हे आहेत NIFTY 50 मधील shares जे सध्या गुंतवणुकीच्या दृष्टीने योग्य वाटत आहेत. अर्थात, सुचवलेल्या सर्वच shares मध्ये उत्तम परताव्याची 100% खात्री देता येत नसली तरी सध्याचा बाजार मूड बघता हे मला योग्य वाटत आहेत. वेळोवेळी पॉलिसीमध्ये होणारे बदल, sectorial risks किंवा कंपनीचे मूलभूत अडचणी यामुळे काही shares अपेक्षित वाढ नोंदवणार नाहीत ही शक्यता सुद्धा अधोरेखित करावी लागेल. पण NIFTY मधील दर्जेदार shares असल्याने यात पुर्णपणे risk नाही. फार तर कमी परतावा मिळेल इतकच.

येणार्‍या काळात Midcap व smallcap मधील काही shares बघता येतील.

[[[ Disclaimer – खुलासा – I’m not financial advisor nor fund manager.  मी गुंतवणूक सल्लागार नाही. The stocks advised here, are based on my own market research and analysis. संबंधित लेख माझ्या स्वतःच्या वैयक्तिक अभ्यासातून लिहिलेला आहे. ]]]

शेअर मार्केट मराठीत…

© 2018, ||-अभिषेकी-||. All rights reserved.

Leave a Reply

Be the First to Comment!

Notify of
avatar
wpDiscuz
error: Content is protected !!