Midcap Money 1

Midcap Money 1

MIDCAP MANTRA  ||  कमी किम्मत जास्त परतावा shares  || share बाजार मराठीत  || Midcaps तो Buy  ||  Stocks To Buy In This Downfall  || Share Market Beginners  ||  शेअर बाजारातील पडझड ||  Long Term Investment

 

शेअर बाजार सध्या लाल रंगात न्हाऊन निघाला आहे असं म्हंटलं तर वावगं ठरणार नाही. आधीच्या आर्टिकलमध्ये आपण NIFTY 50 मधील shares बद्दल माहिती घेतली. त्यामध्ये कोणते shares सध्या buy करण्याच्या रेंजमध्ये आहेत तेही बघितलं. पण ह्या बाजारातील लाल रंगाला अजूनच गहिरं करण्याचं काम केलं आहे MIDCAP shares ने… ज्या shares ने गेल्या वर्षात दामदुप्पट, तिप्पट परतावे दिले ते आज तळाकडे कूच करताना दिसत आहेत.

Midcap shares मध्ये गुंतवणूक ही NIFTY मधील shares पेक्षा जास्त जोखमीची मानली जाते. कारण अर्थव्यवस्थेतील चढ-उताराचा पहिला परिणाम छोट्या व माध्यम कंपन्यांना बसतो. मोठ्या कंपन्या ह्या त्या मानाने सुरक्षित मानल्या जातात. पण midcap, smallcap कंपन्या खूप चांगले परतावे देण्याची शक्यता असल्याने त्यामध्ये गुंतवणूक ही आकर्षणाची बाब असते.

समजा, आपण जर शेअर बाजारात दीर्घ काळासाठी 100 रुपये गुंतवणूक करणार असाल तर त्यातील 30 ते 35 रुपये हे Midcap व smallcap कंपण्यात गुंतवण्यास हरकत नाही. पण त्यात महत्वाची अट अशी की, तुम्ही जे shares गुंतवणुकीसाठी निवडत आहात ते अभ्यासपूर्वक आणि सर्व माहिती घेऊन निवडले पाहिजेत. उगीच कमी किमतीचे कुठलेही shares खरेदी करणे याला काही गुंतवणूक म्हणता येत नाही.

महत्वाचा भाग म्हणजे, असे छोटे व योग्य shares हे NIFTY मधील shares पेक्षा अधिक परतावाही देऊ शकतात. शेअर बाजारात आठ नऊ हजारांपेक्षा अधिक कंपन्यांचे shares आहेत. त्यातून योग्य शेअर निवडणे हे खूपच कठीण आणि मेहनतीचं काम आहे. आपआपल्या आकलनानुसार ते निवडता येतात… शेअर बाजारात चुकीला माफी नसते!!! एक चुकीचा निर्णय थेट नुकसानीच्या अन मनस्तापाच्या फेर्‍यात नेऊन अडकवू शकतो.

 

असे अनेक MIDCAP व SMALLCAP shares आहेत जे आज BUY करता येतील. सर्वच सांगता नाहीत येणार, पण मला सुचलेले आणि अवगत असलेले असे काही shares मी share करतो…

 

  1. BSE

मागील IPO च्या आर्टिकलमध्ये याबद्दल माहिती बघितली आहे. सध्या हा शेअर 52 week low च्या जवळ आहे. ह्या वर्षी कंपनीने 1100 रुपयांच्या दराने shares BUYBACK करण्याची घोषणा केली आहे. त्यानंतर October 2018 पासून BSE वर commodity चे व्यवहार करण्याची मुभा असेल. देशातील मोठ्या Exchange पैकी एक असल्याने कंपनीची balance sheet तगडी आहे.

शेअर सध्या 825 च्या आसपास आहे. अजून पडझड झाली तरी घेता येईल असा.

 

  1. FIEM

ही एक Auto Ancillary कंपनी आहे. CNBC Awaaz TV वर 2018 च्या गुंतवणूक list मध्ये या कंपनीच नाव आहे. 839 चा 52 week low आहे आणि सध्या शेअर 870 च्या आसपास कार्यरत आहे. Auto Sector यंदाही चांगली कामगिरी करेल असं म्हंटलं जात असल्याने यामध्ये तेजी येण्याची शक्यता आहे. घेण्यासारखा शेअर…

 

  1. BEL – Bharat Electronics

बजेट येताच ह्या शेअर मध्ये तेजी येते. प्रत्येक बजेटमध्ये संरक्षण क्षेत्रासाठी विशेष तरतूद असते. ही कंपनीही संरक्षण क्षेत्रातील सामुग्री व जनरल इलेक्ट्रॉनिक्स निर्माण करणार्‍या पैकी महत्वाची कंपनी आहे. पण यंदाच्या बजेटमध्ये संरक्षण क्षेत्र फार लक्षणीय तरतूद नसल्याने हा शेअर कोसळला. पण चांगला शेअर आहे. Split आणि Bonus झालेला. सध्या 150 रुपयांना आहे. अजून कमी येईल असं वाटत नाही. मध्यम कालावधी ते दीर्घ कालावधीसाठी चांगला असेल. [ माझ्याकडे हा शेअर आहे.]

 

  1. NBCC

ही public sector कंपनी आहे. सरकारचे यात shares आहेत. प्रामुख्याने Infrastructure संबंधित कामे. चांगला शेअर. सरकारचे Infra related धोरण वेगवान असल्याने अशा कंपन्यांना फायदा होऊ शकतो. बाजारातील पडझडीत सहभाग घेत हा शेअरही कोसळला आहे. येत्या काळात शेअर Split होण्याची शक्यता आहे. घ्यावा असा शेअर…

 

  1. Ashok Leyland

आवडता शेअर. वाहननिर्मिती क्षेत्रातील कंपनी तीन-चार वर्षांपूर्वी 20-25 रुपयांवर कार्यरत असलेला शेअर आज 120 च्या वर कार्यरत आहे. बाजार पडझडीच्या स्थितीत असताना हा शेअर मात्र हिरवा रंग राखून आहे. यात correction येईल का नाही ते सांगता नाही येत, पण दीर्घ काळाच्या गुंतवणुकीसाठी घ्यावाच असा शेअर…

 

  1. AB Capital – Aditya Birla Group

Aditya Birla समूहातील कंपनी. फायनॅन्स व investment क्षेत्रातील कंपनी. सध्या Financial Services च्या बाबतीत बरे दिवस आहेत. अलीकडे कंपनीने फार चांगला परतावा दिला नसला तरी येणार्‍या काळात चांगले returns देण्याची क्षमता असलेली कंपनी. सध्या 52 week low अर्थात 165 वर कार्यरत आहे. थोडीशी Risk घेऊन गुंतवणूक करावी.

 

  1. CDSL

मागील IPO आर्टिकलमध्ये याबद्दल माहिती घेतली आहे. पडझडीत शेअर तुटला असला तरी खालच्या पातळीवर लागलीच खरेदीकर्ते शेअर घेण्यास उत्सुक होते. दर्जेदार स्टॉक आहे. सध्या 320 च्या आसपास कार्यरत. IPO नंतर पहिल्यांदाच खालच्या रेंजमध्ये. आपल्या पोर्टफोलियोमध्ये ठेवावा असा शेअर.

 

  1. PVR

आपण चित्रपटगृहात जातो तोच हा pvr चा शेअर. एखादा चांगला, सुपरस्टारचा किंवा big budget चित्रपट येणार असेल तर हा शेअर नक्की वाढतो. तिकडे चित्रपट हिट झाला आणि गल्ला वाढला की इकडे या शेअरची किम्मत वाढते. सेंटिमेंट आणि थोडसं अर्थकारण लक्षात घेऊन यात खरेदी होत असते. मध्यंतरी overbought होता, पण बाजार पडझडीत खाली आला आहे. अजून तुटण्याची शक्यता आहे. त्या पातळीवर घेता येईल असा शेअर. पण मध्यम काळातील गुंतवणुकीसाठी बरा आहे. ह्या क्षेत्रात नेहमीच काहीतरी ‘happening’ असल्याने दीर्घकाळ ठेवता येईल का नाही याबद्दल शाश्वती नाही.

 

  1. SPTL – Sintex Plastics

Sintex च्या पाणी टाक्या सर्वांना माहीत असतीलच. त्याचीच ही कंपनी. दरवर्षी उन्हाळा आला की याचे दर वाढतात. यामागे लॉजिक असं असतं की, टाक्यांचा खप वाढेल, कंपनीचा नफा होईल, quarterly results मध्ये त्याचा इफेक्ट दिसेल आणि नफा कमावता येईल!! कंपनी नेमकी कशी आहे हे सांगता येणार नाही. पण एका वृत्तपत्रात ही कंपनी 100 चा टप्पा गाठू शकते असा अंदाज वर्तवला आहे. मला तरी थोडीशी risk घेऊन खरेदीसाठी आकर्षक वाटते. सध्या 52 wk low, जो 66 आहे, त्याच्या आसपास कार्यरत आहे.

 

  1. Tata Coffee AND Tata Global

दोन्हीही tata समूहातील कंपन्या. दोन्हीही चहा-कॉफी निर्मिती क्षेत्रातील. FMCG सेक्टर मधील कंपन्या. भारतातील चहाची सवय काही कमी होणे शक्य नाही. हे दोन्हीही shares दीर्घकाळ गुंतवणुकीच्या दर्जाच्या आहेत. शेअर बाजारातील पडझड झळ या दोन्हीही shares ला बसलेली आहे. दोन्हीपैकी एक शेअर हा आपल्या portfolio मध्ये असायला हरकत नाही. [माझ्याकडे आहे हा शेअर]

 

  1. Apollo Hospital

Hospitality क्षेत्रातील दिग्गज कंपनी. स्व. विलासराव देशमुख किंवा स्व. जयललिता यांना याच हॉस्पिटलमध्ये ठेवण्यात आलं होतं हे सांगावं वाटतं. यावरून हॉस्पिटल किती दर्जेदार आहे याचा अंदाज बांधता येईल. यंदाच्या बजेटमध्ये सरकारने आरोग्य क्षेत्रासाठी भरभरून पैसे दिले आहेत. त्याच दिवशी हा शेअर खूप वाढला होता. सध्या 1150 च्या आसपास कार्यरत आहे. 52 wk low 1000 च्या खाली असला तरी टप्प्याटप्प्याने गुंतवणूक करावी. दीर्घकाळ गुंतवणुकीसाठी उत्तम असा शेअर. [माझ्याकडे आहे हा शेअर]

 

  1. RCF – Rashtriy chemical Fertilizers

सरकारी कंपनी म्हणता येईल. अर्थात govn undertaking board असतात तसे. कृषी क्षेत्राशी संबंधित. नेहमी बजेटमध्ये ह्या क्षेत्राला काहीतरी दिलं जातं, पण यंदा काही मोठी घोषणा न झाल्याने यात विक्री वाढली. शेअर अजून खाली येऊ शकतो. पण सहा महिन्यांच्या अवधिसाठी चांगला आहे. सध्या 85 च्या आसपास आहे. अजून खाली आल्यास घ्यावा.

 

  1. Granules

ही small cap pharma कंपनी. एका रेंजमध्ये कार्यरत आहे. थोडीशी रिस्क घेऊन खरेदी करता येईल असा शेअर.

 

  1. Ajanta Pharma

बाजारातील पडझडीत हा शेअर जर अजून correction mode मध्ये आला तर share price attractive असेल. Pharma sector विविध अडचणीतून जात असतं. स्थिर काळात शेअर वाढतात अन एखादी खराब बातमी शेअर ला खाली ओढायला पुरेशी असते. सध्या हा शेअर 1300 च्या आसपास खेळतो आहे. इतर pharma stocks च्या गर्दीत बरा वाटत आहे. एकंदरीत sectorial risk लक्षात घेऊन गुंतवणूक करावी.

 

  1. HUDCO

बजेट 2018 मध्ये गृहनिर्माण बाबतील कसलीच घोषणा नसल्याने हाऊसिंग व हाऊसिंग फायनॅन्स च्या कंपन्यांचे shares कोसळले. HUDCO हासुद्धा त्यातीलच एक. हाऊसिंग क्षेत्रात कार्यरत असणारं सरकारी महामंडळ. याच वर्षी IPO आलेला आणि मर्यादित वाढ झालेला. पण कमी किम्मत हे या शेअर ल आकर्षक बनवत आहे. सध्या हा शेअर 79 वर कार्यरत आहे. 75 ची पातळी तोडेल असं वाटत नाही. 84 च्या आसपास resistance आहे, पण वाढ सुरू झाली तर ती ह्या शेअर ला उंचावर नेऊ शकते. जरूर घ्यावा असा शेअर!

 

  1. Dish TV

हा शेअर सुचवावा की नाही याबाबतीत संभ्रम आहे. काही दिग्गजांनी हा शेअर सुचवला आहे, तर काहींनी लांब राहण्याचा सल्ला दिला आहे. गेले काही महीने हा शेअर 72 ते 82 ह्या रेंजमध्ये खेळत आहे. 86 ची पातळी तोडली तर हा 93 वर पोहचू शकतो आणि त्यापुढे 102 वगैरे. पण fundamental काही अडचणी आहेत असं वाटत आहे. माझ्याकडे याचे shares आहेत. पण रिस्क लक्षात घेऊन यात गुंतवणूक करावी असं सांगावसं वाटतं.

 

  1. Idea

वर्ष झाला, वोडाफोन आणि आयडिया कंपनी मर्ज होण्याची प्रक्रिया चालू आहे असं ऐकून. शेअर 75 च्या पातळीपासून थेट 110 च्या आसपास जाऊन पोचला अन नंतर थोडासा पुढे जाऊन परत खाली आला. हे सेक्टर खूपच sensitive आहे. 93 ची पातळी तोडल्याने शेअर पुन्हा 82 आणि मग 75 कडे जाईल अशी शक्यता आहे. पण याच्या levels लक्षात घेतल्या तर हा 82 वरून पुन्हा 93 आणि मग 110 कडे झेपावू शकतो. आणि जर merger झालं तर हा शेअर खूप वेगाने वाढेल. त्यामुळे risk घेऊन हा शेअर खरेदी करता येऊ शकतो.

 

  1. KPIT

Midcap IT शेअर. IT shares ला मागणी वाढली आहे आणि त्यातच KPIT साठी काही सकारात्मक बातम्या आहेत. त्यात त्यांच्या softwares ला मागणी आणि Birla Soft सोबत merger अशा बातम्या समोर येत आहेत. बरीच महीने 110 ते 125 मध्ये अडकून झाल्यानंतर शेअर 155 ची पातळी तोडून वर आला. आता तो 200 च्या आसपास कार्यरत आहे. येणारं वर्ष IT साठी चांगलं असेल असं म्हणतात. त्या दृष्टीने यात खरीददारी करता येऊ शकते.

tbc…. 

हे झाले पहिले 18 shares. असे अनेक midcap आणि smallcap shares बघायचे आहेत जे गुंतवणुकीस लायक आहेत. मला जे सुचतात अन बरे वाटतात ते shares सुचवत राहीन…

 

[[[ Disclaimer – खुलासा – I’m not financial advisor nor fund manager.  मी गुंतवणूक सल्लागार किंवा तज्ञ नाही. The stocks advised here, are based on my own market research and analysis. संबंधित लेख अन सुचवलेले shares हे माझ्या स्वतःच्या वैयक्तिक अभ्यासातून सांगितले आहेत. यातील काही shares मध्ये माझी गुंतवणूक असू शकते.]]]

संपर्क = latenightedition@gmail.com

गुंतवणुकीसाठी योग्य संधी

© 2018, ||-अभिषेकी-||. All rights reserved.

Leave a Reply

Be the First to Comment!

Notify of
avatar
wpDiscuz
error: Content is protected !!