गुंतवणूक-फसवणूक

गुंतवणूक-फसवणूक

{जनहितार्थ}

[ संबंधित लेख whatsapp वर मिळालेला आहे. हा लेख Chandrashekhar Thakur यांनी लिहिलेला आहे असं त्या मेसेज मध्ये नमूद केलेलं होतं ते जसच्या तसं, जराही बदल न करता इथे प्रकाशित करण्यात आलेलं आहे. शेअर बाजारातील एका महत्वाच्या भागाबद्दल अत्यंत उत्तमरीत्या मांडणी केली असल्याने आणि सामान्य जनतेला ही माहिती अतिशय उपयुक्त ठरेल अशी असल्याने येथे प्रकाशित करत आहोत. ]

शेअर बाजार मराठीत  ||  Share Market In Marathi  || गुंतवणूक-फसवणूक  || सावधान ||

एखाद्या कंपनीच्या शेअरचा भाव एक दिवसात उदाहरणार्थ ७३५, ७२८, ७१०,६५५ ६३५ असा घसरत गेला की अशा परिस्थितीत मी Intra Day Trading करून प्रथम त्या कंपनीचे १००० शेअर्स ७३५ या भावाने विक्री करीन व भाव ६३५ वर गेला की १००० शेअर्स खरेदी करीन म्हणजे १०० गुणिले १००० बरोबर एक लाख रुपये एका दिवसात कमवीन… नव्हे ते आमच्या विद्यार्थ्यांना सांगून “मंदीतही पैसे कसे कमवावे” वगैरे पांडित्य सांगून अनेक शेअर गुरू लोकांना भुरळ घालतात.

वर सांगितले हे अंकगणित म्हणून ठीक आहे. पण या गमजा ते मारतात त्या कधी तर दिवसाचा शेवट झाला की. बाजार उघडते वेळी त्या शेअर्सचा भाव अशा प्रकारे खाली जाईल की वर जाईल हे त्यांना स्वप्न पडलेले असते का? पडले असेल तर मग एखाद्या बँक मधून दहा लाख रुपये कर्ज घेऊन ते स्वत:च असे ट्रेडिंग करून एका दिवसात करोडपती का होत नाहीत?

ज्यालोकाना शेअर बाजाराचा गंध देखील नाही अशा लोकांना आजकाल अनेक शेअर गुरू “मंदीतही तुम्ही कमवू शकता” अशा प्रकारे थापा देऊन आपले उखळ पांढरे करीत असतात. दहा पैकी एक दोन वेळा यांचा होरा बरोबर ठरला की दसपट जोमाने “मी सांगितले तसेच झाले की नाही पहा” अश गमजा मारतात. आठ वेळा यांचा होरा चुकलेला असतो तेव्हा मात्र अळीमिळी गुपचिळी. या अशा लोकांमुळे हे शेअर बाजार बदनाम होत होता आणि होत आहे. दुर्दैव असे की जेव्हा ही मंडळी सेमिनार घेऊन लोकांना भूलथापा देत असतात तेव्हा एकाही श्रोता ” मग तुम्ही क्लास का चालवता? स्वत :च हे करू करोडपती का होत नाही? “ असा प्रश्न विचारीत नाही.

मायबाप वाचकहो गेेली पन्नास वर्षे या क्षेत्रातील अनुभावावरून हात जोडून विनंती करतो की अशा भूलथापांना बळी पडू नका. चांगल्या कंपनींचे शेअरस घेऊन किमान आठ दहा वर्षे वाट पहा. जोडीला दरमहा म्युच्युअल फंडाच्या योजनेतून एस आय पी करा. तो राजमार्ग आहे. शेअर बाजार हे झटपट श्रीमंतीचे माध्यम नव्हे तर ते आंब्याचे झाड आहे कारण आंबे लागायला किमान आठ वर्षे वाट पहावी लागते हे सीडीएसेलच्या माध्यमातून गेली १७ वर्षे मी विनामूल्य सेमिनारच्या द्वारे सांगत आहे. पण भूल थापा देणार्यांच्या मागे मेंढरांच्या प्रमाणे माणसे जातात त्याचे वाईट वाटते. इथे शिकलेले लोकही मागे नाहीत. नुकतेच कोल्हापूर येथे अशाच एका महाभागाने साठ सत्तर डॉक्टर ना याच प्रकारे गंडा घातला . ते डॉक्टर तर अशिक्षित नव्हते न? पु ल म्हणतात तेच खरे ,” बेन्बट्यां तू कुंभार हो गाढवांस तोटा नाही ” या लेखाचा प्रपंच कुणा विशिष्ट व्यक्तीला किंवा व्यक्तीना डोळ्यासमोर ठेऊन लिहिला नाही. केवळ प्रबोधन हाच उद्देश आहे.

लेखक – चंद्रशेखर ठाकुर .

Image result for share market

© 2018, ||-अभिषेकी-||. All rights reserved.

Leave a Reply

Be the First to Comment!

Notify of
avatar
wpDiscuz
error: Content is protected !!